Home / Headlines

TV9 Kannada · DistrictNews · 2026-09-30

ಮಂಗಳೂರು ಎಂಆರ್‌ಪಿಎಲ್‌ನಲ್ಲಿ ಭಾರಿ ಬಾಯ್ಲರ್ ಸ್ಫೋಟ: 4 ಮಂದಿ ರಕ್ಷಣೆ, 150 ಆಂಬುಲೆನ್ಸ್

ಮಂಗಳೂರು, ಸೆ.30: ಜಿಲ್ಲೆಯ ಜೋಕಟ್ಟೆ ಬಳಿಯ ಎಂಆರ್​ಪಿಎಲ್‌ನಲ್ಲಿ ಭಾರೀ ಸ್ಫೋಟ ಸಂಭವಿಸಿದ್ದು, ಸ್ಥಳದಲ್ಲಿ ಅಗ್ನಿಶಮನ ದಳ ಮತ್ತು ರಕ್ಷಣಾ ಕಾರ್ಯಗಳು ಭರದಿಂದ ಸಾಗುತ್ತಿವೆ. ಘಟನೆ ನಡೆದ ಸ್ಥಳದಲ್ಲಿ ಹಾಜರಿದ್ದ ನವಾಜ್ ಎಂಬ ಪ್ರತ್ಯಕ್ಷದರ್ಶಿಯ ಪ್ರಕಾರ, ಯಾವುದೇ ದೊಡ್ಡ ಪ್ರಮಾಣದ ಹಾನಿ ಸಂಭವಿಸಿಲ್ಲ. ಅಗ್ನಿಶಾಮಕ ದಳದವರು ನೀರು ಹೊಡೆಯುತ್ತಿದ್ದು, ಬೆಂಕಿ ನಂದಿಸುವ ಕಾರ್ಯ ಪ್ರಗತಿಯಲ್ಲಿದೆ. ಸ್ಫೋಟದ ತಕ್ಷಣವೇ ಸುಮಾರು 150 ಆಂಬುಲೆನ್ಸ್‌ಗಳು ಸಿದ್ಧವಾಗಿ ನಿಂತಿದ್ದವು. ಪ್ರಾಥಮಿಕ ಮಾಹಿತಿಯಂತೆ, ನಾಲ್ಕು ಜನರನ್ನು ಎಂಆರ್​ಪಿಎಲ್ ಆಸ್ಪತ್ರೆಗೆ ಕರೆದೊಯ್ಯಲಾಗಿದೆ ಎಂದು ನವಾಜ್ ತಿಳಿಸಿದ್ದಾರೆ. ಬೆಂಕಿಯ ಮೂಲವು ಬಾಯ್ಲರ್ ಆಗಿದ್ದು, ನೀರು ಹಾರಿಸಿದಾಗಲೂ ಸಣ್ಣ ಪ್ರಮಾಣದ ಬೆಂಕಿ ಕಾಣಿಸಿಕೊಳ್ಳುತ್ತಿದೆ ಎಂದು ಅವರು ಹೇಳಿದರು.

Read original on TV9 Kannada Get the app

Licensed summary · LicensedSummary